Eventissimu
FESTI LINGUE
Billetterie concerts FESTI LINGUE (à venir)
Una cagnotta hè dispunibule nant’à u situ, ogni donu serà u benvinutu !
Merci à Corinne et Jacques ainsi qu’à toute l’équipe de l’ADECEC et de Voce Nustrale pour la traduction
Creatu u 30 di settembre di u 2024 è, cunfurmendusi à a lege di u primu di lugliu di u 1901 in quant’à u cuntrattu d’associu, EVENTISSIMU organiseghja evenimenti ind’u duminiu di l’arti è di u spettaculu nant’à a cumuna di Ventiseri è i so circondi. Cuncerti, festivale, appuntamenti culturali, litterarii, spurtivi, cunferenze è scontri artistichi, l’associu permette à ognunu di sprimesi ind’a so disciplina è di participà à l’evenimenti organisati, i quali adduniscenu persone avendu a listessa passione in i duminii citati.
St’associu organiseghja u festivale di e lingue è musiche regiunale / minuritarie in Corsica “Festi – Lingue ©” è dinù “Talentissimu”, cuncorsu di cantu ghjuvendu à scopre novi talenti regiunali bislingui.
Cumuna ospite è cullaburatrice di u festivale in core di a piaghja urientale di l’isula. Trà fiume, paese, marina è muntagna, Ventiseri si stinza long’à una piaghja custiera nant’à u litturale este di a Corsica.
Appullatu nant’à i cuntraforti di u Quarciu Grossu, in a machja, u paese autenticu di Ventiseri s’apre nant’à u levante. Magnificu belvedere supranendu u meziornu di a piaghja urientale è u mare, offre una vista d’una bellezza scarsa nant’à a piaghja è u litturale. U Travu serpighjeghja versu u mare, à quandu chetu, à quandu impetuosu, in core di a machja sin’à u paisolu chì porta in fronte u so nome è a so storia.
L’associu EVENTISSIMU hè liatu in modu intimu à a cumuna di Ventiseri è travaglia in modu strettu cù i servizii di a merria, l’eletti, è u Sgiò Merre, François TIBERI ch’è no ringraziemu.
Evelyne ADAM hè animatrice è pruduttrice di radiu, autora, cumediante, parullaghja è presidente di u premiu litterariu Hervé Ghesquière. Hè stallata in Corsica, in Travu, dapoi più di 20 anni. Eletta di a cumuna di Ventiseri, hè Presidente di l’associu EVENTISSIMU.
Prugramma 2025
U Fium’orbu ci laca tesori storichi induve a cumuna di Ventiseri hà una piazza di prima trinca. Difatti, ci si pò seguità e vistiche d’un riccu passatu induve a lingua corsa si perpetueghja…
